نتحضر لكل ماهو جديد فى عالم الاغاني المثير للدهشه
وخاصه مجموعات الشباب التى تغني بطريقه مختلفه
بموسيقي عصريه
عشت و شفت و كشفت الحق ما كانش
لي يهدر يعطيوه الدّق ولاّ ما يبانش
الهجرة رايحة تنفع كي تكون عندك نيّة صافية
حشيشة طالبة معيشة حاب نعيش وين كاينة العافية
الهجرة رايحة تنفع كيما نفعت المهاجرين
فالحبشة عاشوا تمّا مع المسيحيّين
المبدأ و الدّين ديما صالحين
في كل مكان في كل زمان لي قالوا “لا” رام غالطين
صاديبون مع من تقعد مع من تلصق
لكان مع الجماعة دك بيان سور أنا نقلك تفسى
كي جيت خارج من الدّار كانت قويّة الصدمة
هزّيت الكابا و في وجّي الدّنيا راي مضبّة
شحال تعجبني ياسر “! “روح ربّي يسهّل
غير الكلمة هاذي ما سمعتها من ناس ياسر
الـ 12 بيل فالمطار كيما وصلنا
تفكّرت لي جون ، مساكن رانا في المحنة
فرحان كي رايح بصّح كاينة قلقة
رايح من هاذ لبلاد تقول حطّولي الموس فالرّقبة
شكون لي يحبّ الغربة و يعيش في بلاد البرة
لكان ماهيش محتمة و علاه نخمّم في الهربة ؟
بورتون مشني سارق لي دولار و لي لانجو
…بورتون ما عطاتنيش الدّولة دار
دار كات كو ، يمنع هو ، أومبارجو
Aucun gout فهاذ لبلاد الحياة
كي نتفكّر نقول نروح و جامي نولّي
(…) الحقرة ، ظلم قتيلة ملّي
بصّح صعيب لفراق تاع لبلاد
لوكان ما هلكوهاش (شْشْشْ) ولاد لكلاب
زادت غاضتني كي شفت صحيبي يبكي
تفكّرت لاكي و اليوم خارج من لا كوكي
ولّيت نصبّر أوليو لي يصبروني
ما تخافوش آي تجي دالتكم و تلحقوني
لكان الحق عندي مش هذا الشّي لي يهمني
السّاعة ديا نفكّر باه يزول همّي
[اللازمة]
واش بقالك فهاذ لبلاد ؟ الهجرة لي تنفعني
واش بقالك فهاذ لبلاد ؟ الغربة لي تنجّيني
واش بقالك فهاذ لبلاد ؟ هزني منّا و نْفِينِي
واش بقالك فهاذ لبلاد ؟ سيبون سي فيني
[المقطع الثاني]
المستقبل شفتو هنا كيما تشوف السّراب في الصحرا
عديكا بديت نخمّم فالهجرة مورا لبحرا
بديت نوجّد فلورق باه نحرق كيما تجي الفيزا
نحب العدل لي كاين في بلاد ولاد عيسى
من بعد ما دفعت الدوسي بقيت شهر و نص صابر
لكان فيها الخير خلّي في الغربة نولّي غابر
ربعة و عشرين ماي ألفين و واحد
عرفت بلّي صح لي ذاق لفراق واعر
قدّم القدّام يا وهاب ما دّورش
لحوال فهاذ لبلاد ما تشكرش
حق ؟ لا ، عدل ؟ لا
نعيش فهاذ لبلاد ؟ لا ، مالا نروح ؟ آ
بديت نخمّم أنا و الضّمير جاني
دخلت معاه رحت معاه بعيد زاد دّاني
قدّاه في عمرك ؟ 28 سنة
واش راك مداير فيها ؟ راني مازلت نسّنّى
متزوّج ولاّ عازب ولاّ عازم باش تتزوّج؟
سيليباتير و سوليتار ما كانش لفلوس
خدّام ولاّ قاعد ؟ مكالي فالحيط
فركتت في كل بلاصة شحال من مرّة عييت نعيّط
بصّح راني نشوف فيك عايش بنكس
بزنس K7 بالاك لي
هذا هو الشّي لي هلكني و قلبلي قلبي بارد
كي نطلع الفوق نزيد نطيح في لاميرد
متهوم ديما بالشبعة ، محروق بالإشاعة
قالوا دخل للحبس شحال من مرّة شارعا
آك تعرف حنا لعرب ديما غيّارين
هذا هو الشّي لي خلاّنا متأخرين
كيفاه راح ادّير في حكاية الدوبل كانون ؟
سيّب يروح داروا بيه ؟؟؟
لكان عصحيبي لطفي تبقى ديما العشرة
سوليتير عالناس الكل لي قلوبهم ولاّت كيما الحجرة
سوليتير معنى مش معاني
كاينة ناس بزّاف تحب تمكّر بالعاني
عمبالك البداية وراها تلحق النهاية
المثال آو قدامك كيما بديت فهاذ لغناية
[اللازمة]
واش بقالك فهاذ لبلاد ؟ الهجرة لي تنفعني
واش بقالك فهاذ لبلاد ؟ الغربة لي تنجّيني
واش بقالك فهاذ لبلاد ؟ هزني منّا و نْفِينِي
واش بقالك فهاذ لبلاد ؟ سيبون سي فيني
[أوترو]
Les clandestins في خاطر
Pas d’destin…
الغربة ولاّ المعيشة المرّة
اغنية حشيشة طالبة معيشة و الغربة
راب جزائرى من غناء الشباب
كلمات حشيشه طالبه معيشه والغربه
