كلمات اغنية ق علي طالباب , انت مجرد صفر للنظام كامله

انت مجرد صفر للنظام
عايزين يحرقوك , يرهبوك , يجردوك , يشوهوك
عايزين يسحلوك , يركبوك , يمصوا عضمك , و فى

اوسخ قبر من قبور السجون يعدموك
عايزين يعروك , يدبحوا الحياة اللى جواك , و الآلة

تظهر , تسجد للملوك
عايزين يخطفوك , عاشان تشوف بعينهم , تدوم

تتسقي دينهم
المنظمة , اكبر كيان بيمارس الارهاب منظم
و انت الكائن اللى بتتهان , لما يعوز الزعيم

يبان متعظم
من السادسة صباحا لحين انتهاء ساعات العمل
خلى العجلة تدور , فى حين مال المالك يملي جبل
و الكام مليم اللى بتجنيهم ترجع ترميهم تاني ليهم

فى نفس الحفر
ق يعني قاوم
كنز كنوزك يا عاشق القصور
املى جيوبك يا دايم الفجور
ابني كومباوندات و علي كل السور
خيركوا مش هيصب و الصبر مش هيطول
ملك المصانع للى بيعرق فى المصانع
ملك الاراضي للي بيتعب و اللى زارع
اصحوا يا طلاب بكرا تقوم ما تخلي
العقول بارود , و النظام طفيلي
ق يعني قاوم
بالنسبة لهم انت مجرد حبر على ورق
عايزينك ابن المستهلك و ابن المنتج
فينتج المنتج اقل من استهلاكك
ساعتها سعر العرض يعلى و يكالك
ضعفك ملازمك
البؤس حافظك
بس الدعم يروح لسلاحهم
اتوجه من فوق سطحك
سلاحهم بيك بينبض
يتغذى على سذاجتك
مع كامل الاحترام لقمة هبل سعادتك
عايزينك زي ما انت جاهل
المعلومة مخدر قاتل
بايعينلك الهوى و انت ايدك على محفظتك
بتسمع كل اللى بيتقالك عليه لازم يتسمع
بتردد كل اللى اتقالك عليه لازم يتبلع
انت مجرد صفر ع الشمال
انت نواة ديكتاتور يا خال
برفع دراعي بقبضة عرق العمال
ق يعني قاوم
كنز كنوزك يا عاشق القصور
املى جيوبك يا دايم الفجور
ابني كومباوندات و علي كل السور
خيركوا مش هيصب و الصبر مش هيطول
ملك المصانع للى بيعرق فى المصانع
ملك الاراضي للي بيتعب و اللى زارع
اصحوا يا طلاب بكرا تقوم ما تخلي
العقول بارود , و النظام طفيلي
ق يعني قاوم
إن كان الداء متفشي
فالدواء ثوري
و كل نفس معركة و الصراع طبقي
حد ادني للاجور للي ساكنين القبور
حد اقصي للاجور للي ساكنين القصور
سخر كل اداة و الغي الفرد
لخدمة المجموع
ده ابسط فعل رفاهية للمجموع
انت مشمر
هم ال 1 %
دايما عايزينها ضلمة و انت اكتر بكتير من 30 مليون
عايزين باقل من 50 جنية فى الشهر
فيحيي البناء اللى بنى مش المقاول اللى حوش
يحيي الحداد اللى حد مش ال اللى كوش
يحيي العرق اللى ساح على صلب المكن
و الكف اللى اتشق اللى اتهان و اتدفن
ارفع ميت دراع بقبضة عرق العمال
لو كانت ثورة كانت تعلق المشانق
لعصابة رأس المال
الحدود تراب و النضال واحد
ق يعني قاوم
كنز كنوزك يا عاشق القصور
املى جيوبك يا دايم الفجور
ابني كومباوندات و علي كل السور
خيركوا مش هيصب و الصبر مش هيطول
ملك المصانع للى بيعرق فى المصانع
ملك الاراضي للي بيتعب و اللى زارع
اصحوا يا طلاب بكرا تقوم ما تخلي
العقول بارود , و النظام طفيلي
ق يعني قاوم
اذكرينا يا شوارع
ذكريهم بالدم
اذكرينا يا مدائن
ذكرينا بالدم
اذكرينا يا مصانع
ذكريهم بالدم